الثلاثاء، ٢٤ أبريل ٢٠٠٧

شركات مشاريع التخرج

حد قبل كده سمع عن شركات مشاريع التخرج؟
الشركات الغشاشة اللي هدفها الأساسي انها تخلي الطلبة كسولة ومعتمدين على مجهود غيرهم
الشركات دي بتعمل مشاريع تخرج لأكتر من كلية وبتبيعها للطلبة ويروح الطلبة ويقدموها بإسمهم
وطبعا ده غش وكذب وتضليل وميرضيش ربنا وكمان بيمنع الطلاب انهم يفكروا ويعملوا حاجة بإيديهم
أنا أول مرة سمعت عن الموضوع ده لما واحد معايا في المنطقة وهو كان في معهد نظم معلومات قاللي انه راح لشركة من الشركات الهدّامة دي
وعملوله هو والجروب بتاعه المشروع وأخدوا منهم تقريبا 400 جنيه
وأنا قلتله ان الموضوع ده حرام عليك لكن هو ماسمعش ليا
المهم
الأيام الأخيرة كان بييجي على جروب
FCI4FUN
ايميلات من شركة من الشركات الغشاشة دي
وطبعا كنت بمنع الإيميلات دي ومش بمررها بصفتي موديراتور في الجروب
وبعت كمان رسالة للشخص اللي بيتبعت منه
وده كان نص رسالتي ليهم
السلام عليكم ورحمة الله وبركاته
أخي الكريم لازم تعرف ان اللي انت بتعمله ده حرام ولا يجوز
هل تحب تاكل من مال حرام؟
هل تحب ان جسمك ينبت من أكل حرام
هل تحب ان أولادك ومراتك ياكلوا من مال حرام؟
علاوة على ده انت كده مش بتدي فرصة للشباب اللي في الكليات دي انه يفكر وينتج
كأنك بتساهم في تعطيل تفكيرهم
اتق الله وخاف من عذابه
وأكيد انت عارف ان النبي صلى الله عليه وسلم قال "من غشنا فليس منا"
ربنا قادر انه يرزقك بفلوس أكتر من الفلوس اللي هتجنيها من العمل الحرام ده
بس انت توكل على الله وخذ بالأسباب وربنا يرزقك بأفضل من اللي كنت هتكسبه بالحلال
والسلام عليكم ورحمة الله وبركاته
انتهت الرسالة وللأسف مانتهتش الشركة عن نشاطها ولسة عمالة تبعت ايميلات
المهم احنا عاوزين نشوف حل للموضوع ده
ياريت اسمع آرائكم ونشوف ازاي نقدر نمنع الغش ده
وكمان نمنع تمويت عقول الطلبة
والسلام عليكم ورحمة الله وبركاته

هناك ٢٠ تعليقًا:

غير معرف يقول...

قشطة ادي الأيميل بتعهم عشان أشوف شغلي معاهم أقصد أهزقهم يعني

عبدالرحمن يقول...

يامحمد ياعبدلمنعم الموضوع بجد مش هين
ومش عاوزين نسكت لو في ايدينا حاجة نعملها

Hassan Ragab يقول...

ما تسيب الناس تاكل عيش ولا انت بتحب تعيش وخلاص

عبدالرحمن يقول...

واضح ان جروب عبدالمنعم قاعد فاضي وخلصوا المشروع بتاعهم وقاعدين مع بعض بيتسلوا

غير معرف يقول...

ربنا يسمع منك و نخلص قول امين
على فكرة انا شايف انك كدة بتعملهم دعاية لأن فى ناس كتير متعرفش عنهم

عبدالرحمن يقول...

@علاء
لو سكت يبقى هنسيبهم يعملوا اللي عاوزينه من غير مانحذر منهم
ولو فكرت بتفكيرك ده اني اسكت على كل حاجة أشوفها عشان معملهاش دعاية يبقى مافيش داعي لإنكار المنكر والتحذير من أي شئ مش كويس
وعلى فكرة احنا ممكن نعمل حاجة ان شاء الله في المستقبل ونمنع الشركات دي لو عملنا النقابة بإذن الله

Mohamed Gamal El-Din يقول...

السلام عليكم
أولا انا موافق علاء جدا ان كده في ناس بتعرف الموضوع ده من خلالك
ثانيا .. نا شايف ان انسب حل اننا ممكن نبلغ كل الكليات اللي نقدر عليها
وبالتالي ممكن يركزو شويه في المناقشف .. واكيد الدكاتره مش صغيرين علشان يعرفو ان الجروب ده ساق ولا هو اللي عامل المشروع ده
ده مجرد رأي

عبدالرحمن يقول...

@Mohamed Gamal El-Den
بص بالنسبة لينا احنا في كليتنا الدكاترة هيعرفوا غالبا
لكن بالنسبة للمعاهد صدقني مش بتفرق معاهم
وبالنسبة ان رأيك موافق لرأي علاء فأنا وجهة نظري اني بابحث المشكلة
وانا مكتبتش الايميل بتاعهم أو تليفوناتهم عشان أعملهم دعاية
لكن أنا فعلا متضايق من كده جدا وعاوز آلاقي حل

غير معرف يقول...

انت مكبر الموضوع
وبعدين كل واحد عارف مصلحته ولكنك تمر بمرحلة النضوب الفكري وعندها يلجئ المدونين لثلاثة اشياء:
1-كتابة مواضيع عن حياتهم الشخصية التي لاتهمنا في شئ
2-كتابة مواضيع نقليةمملة
3-نظرية أعمل من الحبة قبة
الطلاب مش عيال صغيرة وممكن تلاقي أفكار تانية تملي بيها البلوج ان شاء الله
أسف لو كان هناك تجاوز في التعليق

غير معرف يقول...

الفلوس مش من عمل حرام ولا حاجه الشغلانه حلال
Software House
محدش يقدر يقول حاجه ومفيش حرمانيه في بيع ال
ٍSoftware
بس الحرام ان الطالب يقول انا الي عملت ده بنفسي والحرمانيه ممكن تسقط لو الشركه ديه قالت للمشتري يقول ان احنا الي عملناه مش انت وطبعا الطالب مش هيعمل كده فهو الي هيشيل الوزر لوحده
من الناحيه العلميه الطين زاد بلا

غير معرف يقول...

ياعبدالرحمن الحلال بين والحرام بين .. ولا يضرنا من ضل إذا اهتدينا . محدش بيروح لهم إلا ويعلم انه ليس صحيحا ما يفعله وأنه يغش معلمه فما بالك لو انه يعلم انه يغش ربه أيضا ولكن يتغاضى .
اترك هذا الامر .. لأننا لانملك فيه قرارا .. فحديثك عنه إنما نشر له .. وتحدث فيما يمكن ان نغيره او نتحكم به عملا بحديث الرسول " من رأى منكم منكرا ...فإن لم يستطع فبقلبه وذلك أضعف الإيمان" .

أحمد عماد يقول...

إلى الأخ فهمي فهيم ..
قال رسول الله صلى الله عليه وسلم :
من كان يؤمن بالله واليوم الآخر فليقل خيرا أو ليصمت
ليتنا حين لا نجد كلاما نقوله نتعلم فضيلة الصمت .. فهي أنفع يوم القيامة
واعتذارك عن التجاوز وانتا تكتبه وتقره .. هل هو نوع من انفصام الشخصية ؟؟
عموما اللهم اشفى مرضانا ومرضى المسلمين
ملحوظة للجميع رجاء لله الي عايز يقول رايه من الناحية الدينية يكتب اسمه فإن ظننت انك بتخفيك هتفلت من نقد المنتقدين لك إن تكلمت على جهل فهل ستخفى على الله أيضا ؟؟
لا أعلم .. لم نرضى الدنية في ديننا؟
وياريت الاخوة الي عمالين يحللوا ويحرموا يفهمونما مرجعيتهم في التحليل مع العلم ان كلام أخي عبد الرحمن سبقه إليه علماء كتير في تحريمه

عبدالرحمن يقول...

@فهمي فهيم
أسأل الله الكريم ان كنت فعلا وصلت للي بتقوله عليا أنه يهديني ويوفقني لكتابة ماهو نافع، وإن مكانش كده فربنا يغفرلك ويرحمك
@مجهول
اتق الله يا أخي ومتصدرش فتاوى انت مش قدها
أنا اتصلت بنفسي بشيخ من المشايخ الكبار اسمه الشيخ عمر بن عبدالعزيز وليه صفحة على إسلام واي
وسألته على الشركات دي
قاللي ان شغلها حرام ولايجوز
فياريت منتعدش حدودنا ونحلل ونحرم واحنا مش أهل كده
وعلى فكرة الشركات دي عارفة كويس أوي ان المشاريع دي لطلبة
ده كمان الإعلانات بتاعتها كاتبين فيها
إلى كل طلبة معاهد وكليات نظم المعلومات
مشاريع تخرج بأفكار جديدة
رقم التليفون:.......
لكن بالطبع لو شركة سوفت وير عاملة برنامج معين لأي حد يشتريه ومش هدفها انها تبيعه للطلبة بتوع مشاريع التخرج
يبقى ده اكيد مافيهوش أي شبهة
والوزر في الحالة دي يقع على الطلبة لوحدهم

غير معرف يقول...

الأخ أحمد عماد ربنا يعم يسمحك ع اللي قلته
(انفصام في الشخصيةوربنا يشفي مرضي المسللمين
)
فلا تنصح أحد ثم تنسي نفسك
وانتو بتتعملوا مع الموضوع من منطلق حماس الشباب الصغييرين اللي هيغيروا المجتمع
مفيش مانع بس لازم تحصلوا علي العلم المؤهل لذلك
ونصيحتكم لمن يتكلمون في الدين ان يتحروا انتم اولي بها

غير معرف يقول...

أحمد عماد
ذكر اسم الشخص من عدمه مش مهم طلما مفيش تجاوز في الكلام
المهم هو الكلام نفسه فمثلا
لو قال بلعزبول ان الصلاة فرض
فلن يغير في شئ انه يقولك ان أسمه
عبدالسلام النابلسي
والأمر يخضع لرأي صاحب البلوج لو مش عاجبه تعليق يشيله
وليه بتفرض ان اللي مكتبش اسمه كلامه غلط عشان يكسف مش يمكن تكون انت اللي غلط
وواخداك حماسة عدمالمعرفة

Shady M. Najib يقول...

@ فهمي فهيم
ya sayede l fadel:

1. law shayef en kalam ay 7ad 3álat (deneyan aw 3éro) rod 3aleh we fahemo l sa7 bdal matshakek fe kalamo we 5alas

2. law 7adretak shayef enena "نمر بمرحلة النضوب الفكري" etfadal dawar 3ala blog sa7bo nadeg kefaya benesbalak we na2sho...madomna lesa shahb so3áyaren mota7ameth...sebna lel zaman hay3alemna l adab we neb2a mayeten l hema orayeb mat5afsh...

SoCRaT يقول...

I feel that Fahmy Faheem is a small kid and trying to get attention!! This can't be an adult talking!! Please Fahmy, we're speaking in an important issue, and if you have a positive addition, post it (even if you're still at school, someday you'll enter college and may face the same problem), otherwise, please don't add useless comments.

غير معرف يقول...

véritable drôle
mais écrire avec arabe
j'entendre tu perdre dans imaginer cup
ne faire pas être triste
sorry iam new in french

mhewedy يقول...

@ fahmy fahem :
ما هكذا يكون الحوار
الأخ عبد الرحمن - جزاه الله خيرا - يريد الخير ، فهل عساك ساعدته بدلا من هذا الهراء الذي قلته !!

ما قلته قد ينطبق عليك أنت و ليس ينطبق علي كل شخص، ثم أن الأخ عبدالحمن بلوجااوي أدييم

يا فهمي يا فهيم ما لا أراك لا تفهم مقصود الاخ عبد الرحمن ، لقد تجاوزت و تجاوزت، فقل خيرا أو لتصمت

mhewedy يقول...

@fahmy faheem
ןמ איק משצק םכ שךךיש צםד כןגדכ י
גדכן ןגכן דגכןקרס ךסןקר
סמק' ק ןק'רמדגכ חמקמס
צםישצצקיג יק'קגט

Sorry, I am new @ Hebrew