الثلاثاء، 15 مايو 2007

فكرة رائعة

فكرة رائعة كنت قرأتها في ميل من الإيميلات
علشان تدخل في دعوة الملكين اللي بيدعوا ربنا كل يوم وبيقولوا
اللهم أعط منفقاً خلفاً، اللهم أعط ممسكا تلفاً
ممكن كل يوم الصبح أول ماتصحى تتصدق بأي حاجة
جنيه، نص جنيه، ربع جنيه، بريزة
تحطها في حصالة لو عندك ولو مش عندك حطها في درج من أدراجك مثلا
وفي آخر الأسبوع تقدر تتصدق بالفلوس اللي جمعتها
لو كل يوم حطيت ربع جنيه في الدرج يبقى انت كده هتتبرع ب 2 جنيه إلا ربع في آخر الأسبوع
ومتستصغرش ال2 جنيه فيه ناس فعلا مش لاقياهم
المهم اننا عاوزين نوظف الفكرة دي لصالح التبرعات للنيجر
ياريت نبتدي في التصدق يوميا خاصة اننا في أيام امتحانات ومحتاجين عون ربنا سبحانه وتعالى لينا بجد
عشان نعرف نذاكر وعشان نعرف نركز وعشان نعرف نفهم
ربنا يوفقنا جميعا
والسلام عليكم ورحمة الله وبركاته