الاثنين، 30 أبريل، 2007

النيجر المسلمة ودورنا


السلام عليكم ورحمة الله وبركاته
إخواني وأخواتي
الموضوع مهم
اخواننا المسلمين بيعانوا في النيجر معاناة لانتصورها
خش هنا وشوف بنفسك
http://www.islamway.com/Basateen/niger/
لازم يا جماعة يكون لينا دور ولو بسيط في دعم إخواننا
أنا عارف ان كلنا طلبة ومش هنقدر ندفع مبلغ كبير علشان مساعدتهم
لكن على الأقل نقدم اللي نقدر عليه
وأنا هبتدي ألم فلوس من كل اللي أعرفهم ان شاء الله
عشان نجمع مع بعض ونعمل الحوالة ل اللجنة المسئولة عن تلقي التبرعات
ادفع اللي تقدر عليه
ومتقولش انا هادفع حاجة بسيطة مش هتساعد
لأ متقولش كده
حتى لو دفعت جنيه واحد يبقى انت شاركت في انقاذ اخوانك المسلمين من اللي هما فيه
شباب انا مستني تبرعاتكم وان شاء الله نجمع مبلغ كويس
والسلام عليكم ورحمة الله وبركاته

الثلاثاء، 24 أبريل، 2007

شركات مشاريع التخرج

حد قبل كده سمع عن شركات مشاريع التخرج؟
الشركات الغشاشة اللي هدفها الأساسي انها تخلي الطلبة كسولة ومعتمدين على مجهود غيرهم
الشركات دي بتعمل مشاريع تخرج لأكتر من كلية وبتبيعها للطلبة ويروح الطلبة ويقدموها بإسمهم
وطبعا ده غش وكذب وتضليل وميرضيش ربنا وكمان بيمنع الطلاب انهم يفكروا ويعملوا حاجة بإيديهم
أنا أول مرة سمعت عن الموضوع ده لما واحد معايا في المنطقة وهو كان في معهد نظم معلومات قاللي انه راح لشركة من الشركات الهدّامة دي
وعملوله هو والجروب بتاعه المشروع وأخدوا منهم تقريبا 400 جنيه
وأنا قلتله ان الموضوع ده حرام عليك لكن هو ماسمعش ليا
المهم
الأيام الأخيرة كان بييجي على جروب
FCI4FUN
ايميلات من شركة من الشركات الغشاشة دي
وطبعا كنت بمنع الإيميلات دي ومش بمررها بصفتي موديراتور في الجروب
وبعت كمان رسالة للشخص اللي بيتبعت منه
وده كان نص رسالتي ليهم
السلام عليكم ورحمة الله وبركاته
أخي الكريم لازم تعرف ان اللي انت بتعمله ده حرام ولا يجوز
هل تحب تاكل من مال حرام؟
هل تحب ان جسمك ينبت من أكل حرام
هل تحب ان أولادك ومراتك ياكلوا من مال حرام؟
علاوة على ده انت كده مش بتدي فرصة للشباب اللي في الكليات دي انه يفكر وينتج
كأنك بتساهم في تعطيل تفكيرهم
اتق الله وخاف من عذابه
وأكيد انت عارف ان النبي صلى الله عليه وسلم قال "من غشنا فليس منا"
ربنا قادر انه يرزقك بفلوس أكتر من الفلوس اللي هتجنيها من العمل الحرام ده
بس انت توكل على الله وخذ بالأسباب وربنا يرزقك بأفضل من اللي كنت هتكسبه بالحلال
والسلام عليكم ورحمة الله وبركاته
انتهت الرسالة وللأسف مانتهتش الشركة عن نشاطها ولسة عمالة تبعت ايميلات
المهم احنا عاوزين نشوف حل للموضوع ده
ياريت اسمع آرائكم ونشوف ازاي نقدر نمنع الغش ده
وكمان نمنع تمويت عقول الطلبة
والسلام عليكم ورحمة الله وبركاته

الثلاثاء، 17 أبريل، 2007

ويتواصل الهجوم

ويتواصل الهجوم
هجوم على كل شئ له علاقة بالدين
هجوم على أسس ومبادئ الدين
هجوم على الإسلام
صحف قذرة وإعلام سافل
فالحين بس في دعم كل شئ يبعد عن الدين
من كليبات وأغاني وأفلام وماتشات كورة
بقوا زي النسانيس
لأ ده حتى النسانيس أعقل منهم والله
على الأقل النسانيس والقرود مبتقلدش حد في حاجة ممكن تضرها
لكن دول ناس معندهمش هوية من الأساس
أو ممكن تكون هويتهم هي التقليد الأعمى لكل حاجة جاية من الغرب
نسيوا أو تناسوا مبادئنا كمسلمين
وياريت على كده وبس ويسكتوا
لأ دول كمان بيهاجموا أسيادهم وأسياد أسيادهم
بيهاجموا الصحابة والتابعين
فعلا أشخاص ملهمش أصل
{وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُوداً }النساء61
و زي ماقال نبينا محمد صلى الله عليه وسلم
بادروا بالأعمال فتنا كقطع الليل المظلم . يصبح الرجل مؤمنا ويمسي كافرا . أو يمسي مؤمنا ويصبح كافرا . يبيع دينه بعرض من الدنيا
الراوي: أبو هريرة - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 118
أعتذر لو كانت اللهجة شديدة شوية
لكن أكيد انتوا مقدرين غضب الواحد لما يلاقي الهجوم اللاذع ده على أساسيات الدين
والسلام عليكم ورحمة الله وبركاته

الثلاثاء، 10 أبريل، 2007

اشمعنى أنا اللي اتولدت مسلم

ياترى ليه أنا بالذات؟
في نفس اللحظة اللي أنا اتولدت فيها اتولد غيري كتير في كل أنحاء العالم
اشمعنى أنا بالذات اللي اتولدت مسلم؟
أكيد ربنا بيحبني
لأنه خلاني مسلم ومن أتباع سيدنا محمد صلى الله عليه وسلم
أكيد ربنا بيحبني
لأنه اداني نعمة غالية أوي
لكن ومع ذلك فأنا مابشكرش النعمة دي إلا نادرا
ولما بعصي ربنا مش بفتكر النعمة العظيمة دي اللي اختصني بيها عن ناس كتير
نعمة الاسلام
نعمة التوحيد
كام واحد اتولد لقى أبوه وأمه بيعبدوا بقرة وعمل زيهم
كام واحد اتولد لقى أبوه وأمه بيعبدوا بوذا وعمل زيهم
كام واحد اتولد لقى أبوه وأمه بيعبدوا صليب وعمل زيهم
فعلا والله دي نعمة مابعدها نعمة
يارب لك الحمد يارب لك الحمد يارب لك الحمد
شباب لازم نحمد ربنا على نعمة الاسلام
ونذكر بيها كمان كل الناس
لأنك لو بتحب اللي حواليك ذكرهم بنعم ربنا عليهم
وممكن تخليك سلبي زي مانت ومتتكلمش ولا تذكر حد، بس أنا خايف عليك لحسن تتشابه مع بني اسرائيل اللي ربنا قال فيهم
(لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ، كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ)المائدة 78،79
وكمان تقع في الحديث اللي بيقول فيه صلى الله عليه وسلم
والذي نفسي بيده ، لتأمرن بالمعروف ولتنهون عن المنكر ، أو ليوشكن الله أن يبعث عليكم عقابا من عنده ، ثم لتدعنه فلا يستجيب لكم
الراوي: حذيفة بن اليمان - خلاصة الدرجة: إسناده صحيح - المحدث: أحمد شاكر - المصدر: عمدة التفسير - الصفحة أو الرقم: 1/715