الثلاثاء، ١٠ أبريل ٢٠٠٧

اشمعنى أنا اللي اتولدت مسلم

ياترى ليه أنا بالذات؟
في نفس اللحظة اللي أنا اتولدت فيها اتولد غيري كتير في كل أنحاء العالم
اشمعنى أنا بالذات اللي اتولدت مسلم؟
أكيد ربنا بيحبني
لأنه خلاني مسلم ومن أتباع سيدنا محمد صلى الله عليه وسلم
أكيد ربنا بيحبني
لأنه اداني نعمة غالية أوي
لكن ومع ذلك فأنا مابشكرش النعمة دي إلا نادرا
ولما بعصي ربنا مش بفتكر النعمة العظيمة دي اللي اختصني بيها عن ناس كتير
نعمة الاسلام
نعمة التوحيد
كام واحد اتولد لقى أبوه وأمه بيعبدوا بقرة وعمل زيهم
كام واحد اتولد لقى أبوه وأمه بيعبدوا بوذا وعمل زيهم
كام واحد اتولد لقى أبوه وأمه بيعبدوا صليب وعمل زيهم
فعلا والله دي نعمة مابعدها نعمة
يارب لك الحمد يارب لك الحمد يارب لك الحمد
شباب لازم نحمد ربنا على نعمة الاسلام
ونذكر بيها كمان كل الناس
لأنك لو بتحب اللي حواليك ذكرهم بنعم ربنا عليهم
وممكن تخليك سلبي زي مانت ومتتكلمش ولا تذكر حد، بس أنا خايف عليك لحسن تتشابه مع بني اسرائيل اللي ربنا قال فيهم
(لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ، كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ)المائدة 78،79
وكمان تقع في الحديث اللي بيقول فيه صلى الله عليه وسلم
والذي نفسي بيده ، لتأمرن بالمعروف ولتنهون عن المنكر ، أو ليوشكن الله أن يبعث عليكم عقابا من عنده ، ثم لتدعنه فلا يستجيب لكم
الراوي: حذيفة بن اليمان - خلاصة الدرجة: إسناده صحيح - المحدث: أحمد شاكر - المصدر: عمدة التفسير - الصفحة أو الرقم: 1/715


هناك ١٣ تعليقًا:

غير معرف يقول...

السلام عليكم
اتشرف بإني أكون أول كمنت في البلوج بتاع أخي في الله وحبيبي وشيخي
الشيخ عبد الرحمن عنتر
موشوع رائع وبداية موفقة ونحمد لله حمدا على هذه النعمة التي وهبنا إياها من غير مجهود ولا مشقة
واليت أنعم علينا بها في حين لم يعطها 1 5 مليار أو أكقر في العالم
الحمد لله الذي جعلنا مسلمين
انا ماضي مسلم من باب التحدث بالنعمة زي ما علمتنا يا شيخ
أحمد عماد

مُحَمَّد أَحْمَد عَامِر يقول...

جزاكم الله خيراً علي هذه التذكره
الحمد لله علي نعمة الإسلام وكفي بها نعمة

Ahmed Said يقول...

مقال جميل جدا يا عبد الرحمن .وإلي الامام

غير معرف يقول...

الحمد لله علي نعمه الاسلام
و كفي ان اختصنا رغم كثرة الخلق و الوانهم .

علي فكرةفي ناس مش بتعبد ربنا صح بس مش بيعبدوا الصليب .

عبدالرحمن يقول...

الأخ اللي رد ومذكرش اسمه
ياريت توضح كلامك اكتر
انا مش فاهم قصدك

Ahmed Mubarak يقول...

السلام عليكم
مبروك على البلوج..وبجد مقال جميل
ووفقك الله

Mohamed Gamal El-Din يقول...

ربنا يكرمك يا عبد الرحمن
انا مستني المقال الثاني
جزاك الله كل خير

غير معرف يقول...

السلام عليكم و رحمه الله و بركاته
جزاك الله خيرا يا عبد الرحمن علي مقالك ولكني لي راي ما.. نعم نحن ولدنا مسلمين موحدين بالله ولله الحمد وكن اذا لم اولد مسلما لكنت اصبحت مسلما بإذن الله اعني ان كل انسان بيولد علي الفطره اي فطره الاسلام وايضا خلق الله لنا عقل نعقل بيه كل شيء اي يوجد فرصه لجميه الناس ان يسلموا ويرجعوا الي الفطره ويارب نكون عونا علي ذالك وجزاكم الله خيرا

عبدالرحمن يقول...

وعليكم السلام ورحمة الله وبركاته
جزانا وإياكم
فعلا كل مولود بيولد على الفطرة وأبوه وأمه هما اللي بيغيروا فطرته النقية ويخلوه يعبد غير الله
لكن نعمة اننا نتولد مسلمين فدي نعمة فعلا عظيمة
والعقل اللي بتتكلمي عليه يا أختي للأسف مبقاش له وجود عند غير المسلمين اللي سمعوا عن الاسلام وعرفوه ومدخلوش فيه
وسبحان الله حاجة غريبة فعلا اننا نلاقي واحد بيفهم في علوم من أدق علوم الدنيا ولكن عقله مادلوش على وحدانية الخالق
والله نعمة عظيمة ونعمة جليلة
فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ - الأنعام125
ربنا يتوفانا جميعا مسلمين على الفطرة

thabet084 يقول...

ألف مبروك مبدأيا علي أفتتاحك الرسمي للبلوج

وعلي فكره ياعبد الرحمن
حاول أنك تتطرق الي المواضيع اللي فيها التباس عند الناس ورأي العلماء فيها

Mostafa Salem. يقول...

السلام عليكم و رحمة الله و بركاتة
مقال جميل يا عبد الرحمن و ربنا يوفقك

mohammad_osama يقول...

assalamo 3alykom
fata7allaho 3alyka w zadana wa eyyaka 3elman wa hoda
a7'ok fe allah
mohammad osama

Ahmed M Esmail يقول...

مظبوط والله نعمه عظيمه أوي نعمة التوحيد هذه فمن حافظ عليها أفلح وفاز ونسأل الله أن نكون من هؤلاء
جزاك الله خيرا يا عبد الرحمن