الحمدلله أخيرا الوصل

السويفت وصل

السويفت وصل لكن للأسف طلع ماعليهوش أي ختم
لكن ان شاء الله فيه ورقة مختومة هتجيلي خلال الأسبوع ده وساعتها هبعت عالجروب اللي أنا مكسوف منه جدا لكن فعلا مش بإرادتي
الصورة الأولى : تحويل ال 1368 جنيه مصري ل 243 دولار علشان الفلوس تتبعت بالدولار
الدولار يساوي 5.705 جنيه مصري
والورقة التانية هي دي السويفت
وطبعا محدش هيفهم منها حاجة بس
السطر السادس من اليمين للشمال مكتوب
USD243
يعني 243 دولار أمريكي
وفي السطر اللي قبل قبل الأخير مكتور جمعية العون المباشر
طبعا ده مش دليل كافي ان الفلوس اتبعتت وانا منتظر الورقة المختومة التانية توصلني وهعملها بوست على طول وهبعتها عالجروب بإذن الله

دعواتكم بس انها متتأخرش والفلوس توصل للي يستحقها

والسلام عليكم ورحمة الله وبركاته

آخر أخبار تبرعات النيجر

بعد فترة طويلة من عدم الكتابة علشان الامتحانات والمشاريع اللي لسة مخلصتش
لقيت إني لازم أكتب على الأقل ايه اللي حصل بالنسبة لفلوس تبرعات النيجر
بعد ما لمينا الفلوس والحمدلله طلع مبلغ مكنتش أتخيله
1386 جنيه
ورحت على البنك عشان أدفع الفلوس لكن طلع إني لازم يكون عندي حساب عشان أدفع من خلاله
حاولت مع الموظف إني أفهمه ان الفلوس دي تبرع وياريت يكون فيه أي طريق سريع
لكن ماكانش فيه أي تجاوب
كلمت واحد صاحبي كان شغال في بنك - والحمدلله ربنا تاب عليه وسابه - وحكيتله القصة من بدايتها
قاللي خلاص أنا هشوفلك الموضوع ده
المهم ان صاحبي ده قاللي الموضوع هيتأخر شوية ولسة على يوم التلات كده ان شاء الله هيجيبلي حاجة اسمها السويفت
وده يعتبر وصل وتأكيد ان الفلوس اتبعتت
و ربنا يرزقنا جميعا الإخلاص في القول والعمل
و الله المستعان